Naisakatuparan po ang presentasyon ng LGU Candaba sa pangunguna ng Inyong Lingkod, Alkalde Rene E. Maglanque, kasama si LGOO VI Josephine M. Villanueva, ang Sangguniang Bayan kasama ng kanilang Kalihim, ang mga Municipal Department Heads at mga Punong-Barangay sa SGLG National Validation Team. Ang Validation Team po ay nagmula sa DILG Region XII, sa pangunguna ni LGOO VII Augustus T. Tabugo, LGOO VI Maria Alma B. Engcong, LGOO III Alex Naethan G. Garcia at ng Pampanga Provincial Office Personnel.
Sinuri ng Validation Team ang mga pasilidad, mga gusali at istruktura, at maging ang mga dokumentong sumusuporta sa pamantayan ng SGLG.
Para makuha ang SGLG Seal, kinakailangang pumasa ang LGU sa sumusunod na larangan:
1. Financial Administration & Sustainability.
2. Disaster Preparedness
3. Social Protection & Sensitivity
4. Health Compliance & Responsiveness
5. Sustainable Education
6. Business Friendliness & Competitiveness
7. Safety, Peace and Order
8. Environmental Management
9. Tourism, Heritage Development, Culture and the Arts
10. Youth Development.
Ang SGLG po ang pinakamataas na pagkilala at pinakaprestihiyosong parangal na iginagawad ng DILG sa mahusay at gumaganap na LGU sa paghahatid ng serbisyo publiko sa pamamagitan ng pagsunod sa nararapat na mga alituntunin.
